Manyan lauyoyi daga kasar Sin da na wasu kasashen Afirka, sun kaddamar da wani sabon ofishi na sauraro, da warware takaddamar cinikayya da ta kwadago tsakanin sassan biyu.

Rahotanni sun ce, ofishin na CAJAC wanda aka bude a jiya Alhamis a birnin Johannesburg na Afirka ta Kudu, zai rika warware matsalolin kasuwanci a fannoni daban daban, a wani mataki na kaucewa shigar da kararraki gaban kotu.

Yanzu haka dai an nada masanin shari'a Michael Kuper 'dan kasar Afirka ta Kudu a matsayin shugaban ofishin na farko.

Bude ofishin na CAJAC ya zo daidai gabar da hada hadar cinikayya tsakanin Sin da nahiyar Afirka ke dada bunkasa.

Da yake karin haske game da muhimmancin bude ofishin, Mr. Kuper ya ce, CAJAC zai tabbatar da gaggauta sauraro, da magance korafe-korafe game da sabani daka iya aukuwa tsakanin 'yan kwadago, da 'yan kasuwa dama wasu sassan na gwamnatocin Sin da Afirka.(Saminu)