Rundunar sojojin kasar Kamaru ta tabbatar da cewa, ta cafke wasu mambobin kungiyar Boko Haram kusan 20 a yayin da dakarunta suka kai wani samame ta kasa da sama, wanda kuma ya janyo asara ga kungiyar ta Najeriya a ranar Litinin a Ketta, dake yankin arewa mai nisa dake kusa da iyaka da Najeriya.

Tun da sanyin safiyar Litinin, sojojin kasa na rundunar Kamaru suka kaddamar da wani gagarumin samame tare da taimakon hare hare ta sama da jirage masu saukar ungulu domin zakulo gungun mayakan kungiyar ta'addancin da aka sanar da zamansu a wannan yanki na kasar Kamaru, in ji wasu majiyoyin soja. (Maman Ada)