Ranar 7 ga wannan wata rana ce ta jiragen sama na duniya, kana bana shekara ce ta cikon shekaru 70 da aka tsara dokokin jiragen saman sufurin fasinjoji ta duniya. Mataimakin shugaban hukumar zirga-zirgar jiragen saman kasar Sin Wang Zhiqing ya bayyana a nan birnin Beijing cewa, kasancewarta kasa ta biyu wajen jigilar fasinjoji a duniya, kasar Sin ta kara taka muhimmiyar rawa a dandalin zirga-zirgar jiragen saman daukar fasinjoji na duniya.

Bisa labarin da aka bayar, an ce, ya zuwa karshen shekarar 2013, yawan fasinjojin da jiragen saman kasar Sin suka dauka ya kai matsayi na biyu a duniya a shekaru 9 a jere, wadda ta kasance kasa ta biyu a harkar jigilar jiragen sama a duniya, kana ingancin matakan tsaron jiragen saman kasar Sin yana kan gaba a duniya. Yawan filayen jiragen sama a kasar Sin ya kai 198, kuma yawan jiragen sama da Sin ta mallaka ya kai 3664, yayin da yawan hanyoyin jiragen sama da aka bude a tsakanin Sin da sauran kasashen waje ya kai 427, wadanda suke iya hada kasar Sin da birane 118 na kasashe 50 na duniya. (Zainab)