Kamfanin dillancin labaru na Libya ya ba da labarin a ranar 8 ga wata cewa, yanzu mataimakin wakilin musamman na babban sakataren MDD kan batun Libya al-Ahmad yana yin shawarwari da bangarori daban daban na Libya domin kawo karshen rikicin a birnin Tripoli, hedkwatar kasar.

Mafi yawan membobin tawagar dake karkashin jagorancin al-Ahmad sun zo daga tawagar musamman ta nuna goyon baya da taimakawa Libya ta MDD. Wannan tawaga za ta yi bincike kan bukatar jin kai a kasar, da neman hanyar sassauta wahalhalun jama'a dake fama da rikici.

Kamfanin dillancin labaru na Libya ya rawaito kalaman al-Ahmad cewa, tawagarsa za ta kokarta kawo karshen rikicin cikin dogon lokaci a kasar tare da taimakon kasashen duniya baki daya.