Malaman makaranta a Najeriya sun kare a ranar Litinin matakin sake maido da darasin koyar da da'a a cikin makarantun faramare da sakandare domin kawo karshen tabarbarewar da'a daga wajen matasa.
Joseph Nweke, shugaban kungiyar malaman makarantar Najeriya (NUT) dake cikin jihar Ebonyi, ya yi wannan kiran a birnin Abakaliki, hedkwatar jihar dake kudu maso gabashin tarayyar Najeriya, inda ya bayyana cewa, kasar na cikin wani mawuyacin lokaci. Mista Nweke ya danganta wannan matsalar kan tabarbarewar da'a cikin sauri, tare da kara cewa, matsalar na janyo babbar barazana ga zaman jituwar al'ummar kasar baki daya. (Maman Ada)
