A kokarin da ake yi na ganin Najeriya ta samu cancanta shiga zagaye na gaban na cin gasar kofin duniya da ake yi a Brazil, a karkashin kungiyar kwallon kafa ta duniya, majalisar dattawar Nijeriya ta yi kira a kan 'yan wasan Super Eagles na kasar, da kar su bari hakar, Bosni-Herzegovina ta kai ga nasara a gasar cin kwallon kafa na duniya.

Shugaban majalisar dattawar Najeriya David Mark, shi ne ya yi kiran a cikin wata sanarwa da ya baiwa kamfanin dillanci na Xinhua, a inda David Mark ya jaddada cewar, ya kamata 'yan wasan Super Eagles su kara kaimi a wajen wasan da za su buga da Bosni-Herzegovina a ranar Asabar mai zuwa domin su samu su doke kasar.

Mark ya bukaci 'yan wasan na Najeriya da su rike wasan da mahimmanci, kuma ya tunatar da su cewa, 'yan Najeriya na zaman jiran gnin wasan da za su yi, tare da fatan 'yan Super Eagles za su yi rawar gani domin kare mutuncin Najeriya.

Ya bukace su da su manta can-jaras din da suka yi da kasar Iran tare da kallon abin da ke tunkarar su a nan gaba. (Suwaiba)