A nata bangaren kuma, shugabar kungiyar hadin-gwiwar kamfanonin kasar Sin dake Najeriya Madam Jiang Pingping cewa tayi, a shekarar da ta gabata wato shekara ta 2013, jimillar kudin cinikayya tsakanin Sin da Najeriya ta zarce dala biliyan 13.5. A halin yanzu, Najeriya ita ce babbar aminiyar ciniki ta uku ta kasar Sin a nahiyar Afirka, wacce take da damammaki masu yawa ga kamfanonin kasar Sin wadanda suke son zuba jari a nan.
Madam Jiang ta kara da cewa, tana fatan bankin Standard Chartered da kamfanonin kasar Sin dake Najeriya za su kara samun fahimtar juna tsakaninsu, ta yadda za su cimma alfanu tare.