Taron da aka yi yau ya samu halartar manyan jami'an Sin da Najeriya, ciki har da babban manaja mai kula da harkokin kamfanoni na bankin Standard Chartered reshen Najeriya Mista Remi Oni, da babban jami'in kula da harkokin tattalin arziki da kasuwanci na ofishin jakadancin Sin dake Najeriya Mista Zhou Shanqing, da shugabar kungiyar hadin-gwiwar kamfanonin kasar Sin dake Najeriya Madam Jiang Pingping, gami da wakilai sama da 50 daga kamfanoni kasar Sin kusan 30.

A cikin jawabin da ya gabatar, Mista Remi Oni ya ce, alakar tattalin arziki da cinikayya tsakanin kasashen Sin da Najeriya na dada inganta a 'yan shekarun nan, kuma ana kara samun kamfanonin kasar Sin wadanda suka je kasashen Afirka da ma Najeriya don zuba jari. Bankin Standard Chartered yana fatan karfafa hadin-gwiwa tare da kamfanonin kasar Sin a fannonin da suka shafi kasuwanci, hada-hadar kudi, samar da ababen more rayuwar jama'a da sauransu.