A yau Litinin ne kasar Sin ta yi allah-wadai da hare-haren da ake kaiwa fararen hula da gine-ginen gwamnati a Masar, inda ta yi kira ga bangarorin da abin ya shafa, da su hau kan teburin sulhu don kaucewa zubar da jini.

Kakakin ma'aikatar harkokin wajen kasar Sin Qin Gang ne ya bayyana hakan, sakamakon tashin hankalin da ya barke ranar Asabar a kasar, yayin da Misirawa ke bikin cika shekaru 3 da juyin-juya halin da ya kai ga tumbuke gwamnatin Hosni Mubarak.

Ya ce kasar Sin tana fatan za a hanzarta mai do da doka da oda a kasar ta Masar, mika mulki yadda ya kamata ta yadda za a samu zaman lafiya da ci gaban kasa. (Ibrahim)