A ranar 14 ga wata, bisa labarin da kwamitin kula da harkokin kiwon lafiya da tsara shirin haihuwa na kasar Sin ya bayar, an ce, ya zuwa ranar 14 ga wata da karfe 5 na yamma, an tabbatar da kamuwar mutane 60 da cutar murar tsuntsaye mai nau'in H7N9, cikinsu tuni 13 suka rasu.

Daga ranar 13 ga wata da karfe 5 na yamma zuwa ranar 14 ga wata da karfe 5 na yamma, an samun karin mutane 11 da suka kamu da wannan cuta, kuma 2 daga cikinsu sun mutu a birnin Shanghai.

Ya zuwa yanzu, an samu mutanen da suka kamu da cutar a biranen Beijing da Shanghai, da lardunan Jiangsu da Zhejiang, da sauran larduna 2 na kasar.

Haka kuma, an yi nazari ga mutanen da suka yi mu'amala sosai da wadannan mutane masu dauke da cutar, amma ba a gano alamun samun yaduwar cutar tsakanin mutane ba, sai dai ya zuwa yanzu, wannan cuta na ta ci gaba da yaduwa a sassan kasar ta Sin.（Bako）