Sakamakon dagiyar da magoya bayan Moammer Gadhafi ke yi ba tare da kasala ba, kawo yanzu dai dakarun mahukuntan kasar Libya suna fafatawa da magoya bayan Gadhafi a Sirte, garin Gadhafi, da kuma garin Bani Walid da ke da nisan kilomita 170 a kudu maso gabashin birnin Tripoli. A ran 27 ga wata, Gadhafi ya sake yin jawabin cewa, yana jagorantar yakin, kuma zai cigaba da yin haka iyakan ransa. A wannan rana kuma,mahukuntar kasar Libya ta yi kudurin sake jinkirtar da lokacin kafuwar sabuwar gwamnatin kasar har sai an 'yantar da duk kasar daga hannun magoyan bayan Gadhafi.

A ran 27 ga wata, dakarun mahukuntan kasar Libya sun ci gaba da gwabzawa da magoya bayan Gadhafi a garin Sirte.daya daga cikin dakarun mahukuntan mai suna Fateh Marimri ya ambata cewa, yanzu mahukuntan kasar na yin musayar wuta da magoya bayan Gadhafi a wurin da ke kusa da otel din Mahari da ke garin. Magoya bayan Gadhafi sanye da tufafin fararen hula sun bude wuta ga dakarun mahukuntan kasar da manyan makamai. Domin kiyaye mutuwa da raunana jama'a, dakarun mahukuntan kasar sun ki yin amfani da irin wadannan makamai. Marimri ya kara da cewa, yanzu daya daga cikin'ya'yan Gadhafi yana garin Sirte, wanda yake samun kariya daga magoya bayansa sosai. Ban da wannan kuma wani daga cikin dakarun mahukuntan kasar Libya mai suna Ali Zaidi ya bayyana cewa, yanzu dakarun sun yi gaba zuwa cibiyar garin, kuma ana sa ran karawa da juna nan ba da jimawa ba. A wannan rana da safe, dakarun sun sanar da mamaye tasoshin jiragen ruwa na garin Sirte, kuma zasu nufi zuwa cibiyar garin. Kazalika dakarun sun ce, sun gano dimbin makamai a cikin gidajen mazauna garin. A garin Bani Walid, sakamakon gamuwa da dagiya daga magoya bayan Gadhafi, dakarun mahukuntan kasar sun janye jiki daga wasu yankunan da suka taba mallakarsu.

1 2 3