A cewar wani mutum mai suna Chen Xu da yake aiki a birnin Beijing, batun ba da tabbaci ga iyayensa batu ne da ke kara jawo hankalinsa. Bisa dokokin kasar Sin na yanzu, an ce, akwai bambanci a tsakanin mazauna kauyuka da birane wajen inshorar ba da tabbaci ga tsofaffi. Iyayen Mr Chen Xu sun kaura daga kauye zuwa wani birni, sabo da haka suna fuskantar matsaloli wajen cin gajiyar shirin inshorar ba da tabbaci ga tsofaffi.

Matsalar da Mr Chen Xu yake fuskanta ta shafi manufar ba da tabbaci ga zamantakewar al'umma. A shekarar 2010, kasar Sin ta gabatar da dokar ba da tabbaci ga zamantakewar al'umma, wadda ta zama dokar farko a fannin ba da tabbaci ga zamantakewar al'umma. Ko da yake ba a iya warware matsalar da iyayen Chen Xu suke fuskanta kai tsaye ba, amma bayan da aka aiwatar da tsarin ba da tabbaci ga zamantakewar al'umma a duk fadin kasar Sin, za a kawar da irin bambancin da ake fuskanta a tsakanin kauyuka da birane a wannan fanni.

1 2 3