in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Kasar Sin tana dukufa kan taimaka wa Afirka wajen raya muhimman ayyukan yau da kullum
2010-01-26 15:19:51 cri

Sakamakon shimfida hanyar dogo kafin shekaru dari daya da suka gabata, da kuma karancin kiyaye hanyar dogo yadda ya kamata, yanzu ana iya amfani da hanyoyin dogo uku ko hudu kawai a kasar Nijeriya, sauran hanyoyin dogo kuma sun riga sun lalace. Sabo da haka, shugabannin kasar Nijeriya sun tsai da kudurin kyautata hanyoyin dogo na kasar domin warware matsalar zirga-zirga da 'yan kasar ke fuskanta. Kamfanin gine-gine na kasar Sin wato CCECC ya je kasar Nijeriya ne bisa gayyatar da tsohon shugaban kasar Olusegun Obasanjo ya yi masa domin gudanar da aikin gyara hanyar dogo ta kasar.

Zhou Tianxiang, mataimakin babban manaja na kamfanin CCECC shi ne wanda ya gana ma idonsa yadda ake aiwatar da wannan shiri. Ya bayyana cewa, "Ina tunani a zahiri, cewar tsohon shugaban kasar Nijeriya Olusegun Obasanjo ya nuna kauna sosai ga hanyar dogo, har ma ya mayar da hanyar dogo a matsayin mafarkinsa. A farkon shekara ta 2006, kasar Nijeriya ta gayyace mu domin tsara fasali kan tsarin hanyar dogo. Yayin da shugaba Hu Jintao ya kai wa kasar Nijeriya ziyara a watan Afrilu na shekara ta 2006, shugabannin kasashen biyu sun yi shawarwari kan aikin, inda Mr. Obasanjo ya gabatar da wata bukata kan cewa, ko kasar Sin za ta iya samar da taimako a fannin ba da rancen kudi, haka kuma an daddale yarjejeniya kan rancen kudi a wancan lokaci. A ran 30 ga watan Oktoba na shekara ta 2006, an sa hannu a kan kwangila a hukunce."

1 2 3
Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China