Fitaccen dan wasan linkayar kasar Sin Sun Yang, ya ce har yanzu yana ci gaba da atisaye, a wani mataki na tinkarar gasar Olympics ta gaba da za a gudanar a birnin Tokyo na kasar Japan.

Sun, wanda ya lashe lambar zinari a gasar linkaya ta mita 200 da mita 400 a birnin Rio, ya ce har yanzu bai tsagaita ba da horon da yake samu, bisa burin sa na sake lashe lambar zinari a Tokyo, matakin da zai bashi damar kammala sana'ar sa da cikakkiyar nasara.

Sun dai na cikin 'yan wasan linkaya da suka halarci bikin karramawa da aka yiwa 'yan wasan na kasar Sin a Huangshan, wurin da a can ne ake gudanar da gasar kwararru ta 'yan wasan linkayar kasar.(Saminu Alhassan)