Shirin samar da abinci na MDD, wato WFP a ranar Jumma'an nan ya bayyana damuwar sa cewar adadin yara kanana 'yan kasa da shekaru 5 da mata dake fama da rashin abinci mai gina jiki a kasashen Nigeriya, Kamaru, Chadi da jamhuriyar Nijar a sanadiyar tashin hankalin Boko Haram zai iya karuwa, in ji kakakin majalissar da yake ma manema labarai bayani.

Stephen Dujjaric ya ce, mutene fiye da miliyan 5.6 a yanzu haka suna fama da matsakaici ko matsanancin rashin abinci. Inda ya ce kananan yara 'yan kasa da shekaru 5 wadanda wannan lamari ya fi yi ma muni sun wuce adadin wadanda ke cikin bukata na gaggawa da majalissar ta yi kiyasi da tazara mai yawa.

Shirin na WFP na shirin samar da taimakon abinci mai gina jiki ma kusan mutane 600,000 a wani agaji don dakile yunwan da suke fuskanta da rashin matsuguni, in ji Kakakin na MDD. (Fatimah)