Sojoji a Najeriya sun bayyana cewa, sun kashe wasu da ake zaton mayakan Boko Haram ne a yankin Delwa da ke jihar Borno a arewa maso gabashin tarayyar Najeriya, yayin da jami'an tsaro suka dakile harin da mayakan kungiyar suka yi shirin kaiwa.
Wata sanarwa da rundunar sojan kasar ta bayar, ta kuma ce, wasu daga cikin mayakan sun gudu tare da munanan raunakun da suka samu yayin artabu da jami'an tsaro.
Sanarwar ta ce, sojoji guda uku sun gamu da ajalin su, yayin da aka kwashe guda 7 da suka jikkata don yi musu magani. Tun a watanni uku da suka gabata ne sojojin na Najeriya suka mamaye sansanonin mayakan inda suke kai hare-hare ta sama da ta kasa kan maboyar maharan.
Yanzu ana ta samun karuwar hare-haren 'yan kungiyar ta Boko Haram a jihar Borno da ke iyaka da kasashen Kamaru, Niger da kuma Chadi. (Ibrahim)
