Kwanakin baya, shugaba Xi Jinping na kasar Sin ya kai ziyara lardin Shaanxi, inda ya nanata cewa, ya kamata a yi kokarin gudanar da ayyuka 6 da ba da tabbaci ga ayyuka 6, don kawar da illar da cutar COVID-19 ke jawowa, da kuma tabbatar da cimma muradun kawar da kangin talauci a duk kasar, da kafa al'umma mai wadata a duk fannoni.

Ba da tabbaci ga ayyuka 6 sun hada da tabbatar da samar da guraben aikin yi, ba da tabbaci ga zaman rayuwar jama'a, da tallafin kamfanoni a kasuwa, har ma da samar da isasshen hatsi, da tabbatar da tsarin masana'antu da tsarin samar da kaya, da kuma tabbatar da ayyukan gwamnatocin wurare wurare daban-daban. Kazalika, tabbatar da ayyuka 6 sun hadda da tabbatar da samar da cikakkun guraben aikin yi, da tabbatar da kasuwar hada-hadar kudi da cinikayyar waje da shigo da kudaden ketare da zuba jari da kuma tabbatar da hasashen da aka yi kan tattalin arzikin kasar. (Amina Xu)