Bankin samar da ci gaba na Sin ko "China Development Bank", ya samar da lamunin kudi har yuan biliyan 11, kwatankwacin dalar Amurka biliyan 1.56, domin gudanar da ayyukan yaki da talauci a kasar Sin.

Bankin ya ce zai yi amfani da kudaden ne domin baiwa matalauta rance, da tallafawa manyan ayyuka na samar da ababen more rayuwa, da kuma taimakawa sana'o'in yaki da fatara, a yankunan dake fama da matsanancin talauci. (Saminu)