2020-04-07 19:54:32        cri

Cibiyar yaki da cututtuka ta Afirka ko "Africa CDC, ta ce ya zuwa Talatar nan, adadin masu dauke da cutar numfashi ta COVID-19 a nahiyar ya kai mutum 10,075, yayin da cutar ta hallaka mutane 487.

"Africa CDC" dake karkashin kungiyar AU mai mambobin Afirka 55, ta bayyana wadannan alkaluma ne a Talatar nan, inda ta ce tuni cutar ta bulla a kasashen nahiyar 52.

Cibiyar ta kara da cewa, kawo yanzu, akwai mutane 913 da suka warke daga wannan cuta bayan kamuwa da ita. (Saminu)