2019-07-08 13:26:45        cri

Bisa kididdigar da hukumar sa ido ga kasuwar kasar Sin ta yi, an ce, yawan sabbin kamfannonin da aka kafa a farkon rabin shekarar 2019 a kasar Sin a kowace rana ya kai dubu 19 da dari 4, wanda ya karu da kashi 7.1 cikin dari bisa na makamancin lokacin bara.

An ce, a farkon rabin shekarar bana, Sin ta cimma burin rage lokacin bude sabbin kamfanoni zuwa kwanaki 8 da rabi, kana an kyautata tsarin rufe kamfanoni, don haka kamfanoni dubu 717 da dari 9 na kasar Sin sun janye daga kasuwa ta hanyar masaukin tsarin rufe su. Tun daga shekarar bana, hukumomin sa ido ga kasuwa na kasar Sin sun kara gudanar da ayyukansu a kasuwa, da yin kwaskwarima kan tsarin bada iznin shigar da kamfanoni a cikin kasuwa, da kara sa ido ga kasuwa bisa dokoki don samar da kyakkyawan yanayin kasuwanci wajen bunkasa tattalin arziki da zamantakewar al'umma a kasar. (Zainab)