Za a gudanar da taron baje kolin mutum-mutumin inji na kasar Sin karo na 6 daga ranar 8 zuwa ranar 10 ga watan Mayun bana a birnin Yuyao da ke lardin Zhejiang a gabashin kasar Sin.
Babban taken taron shi ne hada na'urori tare bisa basira da kuma bai wa abubuwa basira. Taron dai zai sa kaimi kan hadewar mutum-mutumin inji da kuma tsarin na'urorin dake kwaikwayon tunanin dan-Adam da fasahar na'urori masu sarrafa kansu, da fadada yin amfani da mutum-mutumin inji a mabambantan sana'o'i, a kokarin kawo wa jama'a alheri. (Tasallah Yuan)