Kakakin ma'aikatar harkokin wajen kasar Sin Lu Kang, ya furta a yau Talata cewa, kasar Sin tana da cikakken ikon mallakar wasu tsibirai dake tekun kudancin ta, da kuma yankunan teku dake kewayen tsibiran. Don haka kasar ta bukaci Amurka da ta daina daukar matakai, na keta ikon mulkin ta, da lalata moriyarta a fannin tsaro.

Kafin haka, wani babban jami'in kasar Amurka ya ce, kasar Sin na yunkurin jibge karin sojoji a yankin tekun kudancin kasar, gami da haifar da matsala ga wani jirgin ruwan sojan kasar Amurka, dake aiwatar da 'yancinsa na zirga-zirga a yankin tekun.

Game da hakan, kakakin ma'aikatar harkokin wajen kasar Sin, Lu Kang, ya ce, wannan batu karya ce zalla, kuma yunkuri ne na shafa wa kasar Sin kashin kaza. (Bello Wang)