Yau Alhamis ne mataimakin shugaban kasar Sin Li Yuanchao, ya gana da ministan harkokin wajen kasar Eritrea Osman Saleh, da jagoran ofishin harkokin siyasa na jam'iyyar PFDJ Yemane Gebreab a nan Beijing.
A yayin ganawar tasu, Mr Li Yuanchao, ya yi fatan kasashen 2 za su aiwatar da sakamakon da aka cimma, a yayin taron koli na Johannesburg na dandalin tattaunawar hadin gwiwa a tsakanin kasashen Sin da Afirka, da kuma kokarin zurfafa hadin gwiwar sassan yadda ya kamata, ta yadda za a sada jama'ar kasashen biyu da alherai.
A nasa bangaren, Osman Saleh ya yi fatan zurfafa dankon zumunta tsakanin kasar Eritrea da Sin, da kyautata hadin gwiwa tsakaninsu. (Tasallah Yuan)
