A nasa bangaren, ministan kula da harkokin kiwon lafiya na Guinea Abdourahmane Diallo ya yi kira ga iyaye maza da mata, da su yiwa yaransu allurar rigakafi. Kana ministan ya ce, idan iyaye sun gano yaransu suna da alamu na mura, dole ne a garzaya da su asibiti don samun jinya ba tare da bata lokaci ba.
Wakilin hukumar kiwon lafiya ta duniya WHO dake kasar Guinea ya bayyana cewa, WHO za ta hada kai da ma'aikatar kiwon lafiya ta Guinea, a kokarin sa'ido don taka birki ga yaduwar cutar kyandar, da kuma kulawa ga wadanda suka kamu da cutar yadda ya kamata.
Haka zalika, wakilin WHO ya nemi a kara adadin yaran da za'a ba su allurar rigakafin, ta yadda za'a taimaka sosai ga shawo kan yaduwar cutar.(Murtala Zhang)
