Manzon musamman na shugaban kasar Sin ya gana da shugaban kasar Equatorial Guinea
Shugaban kasar Equatorial Guinea Teodoro Obiang Nguema Mbasogo ya gana da manzon musamman na shugaban kasar Sin, kuma ministan masana'antu da sadarwa na kasar Sin, mista Miao Wei, a ranar Asabar, cikin fadarsa.
A yayin ganawarsu, Miao Wei ya isar da gaisuwar shugaba Xi Jinping na Sin, tare da taya ma shugaba Obiang murna kan bikin rantsuwar kama mulki da ya yi a ranar 20 ga wata. A nasa bangare, shugaban kasar Equatorial Guinea ya yi godiya ga takwaransa na Sin, da nuna niyyar karfafa hadin gwiwa tare da Sin, don tabbatar da ci gaban kasarsa.(Bello Wang)
