Dan kasuwan nan na Nigeriya Alhaji Aliko Dangote ya karyata jita jitan da ake yi cewa yana daga cikin wadanda aka yi garkuwa da su a otel din birnin Bamako na kasar Mali a yau jumma'an nan.

Otel din dai wassu 'yan bindiga suka ma shi zobe a safiyar wannan rana tare da rike mutane 170 da ke ciki a wannan lokacin.

Yace jita jitar cewa yana daya daga cikin wadanda aka yi garkuwa da su ba gaskiya ba ne. Duk da cewar yana kasar Mali a ranar alhamis, a sakon da ya fitar ta shafin san a twitter.

Kakakin Dan kasuwan Anthony Chiejina tun da farko a cikin wata sanarwa ya yi bayanin cewa ko da yaje Mali, Dan kasuwan bai yi masauki a wannan babban otel din Radisson Blu ba inda harin ya faru.