Shugaba Xi Jinping na kasar Sin ya bukaci sassan da abun ya shafa, da su dauki managartan matakai domin cimma nasarar gwajin jirgin saman nan mai lamba C919 kirar kasar Sin.

A sakon sa na taya murna ga kammalar kirar wannan jirgin fasinja, shugaba Xi ya bayyana bukatar daukar matakan kare hadurra, tare da tabbatar da ingancin jirgin sama da komai.

Kamfanin hada-hadar sufurin jiragen sama na COMAC ne dai ya kera wannan jirgi. Da zarar kuma an fidda shi kasuwa, jirgin zai yi takara da jirage na zamani, kamar su Airbus 320 da kuma Boeing 737.

A shekara mai zuwa ne dai ake sa ran gudanar da gwajin jirgin a karo na farko.(Saminu)