Shedun gani da ido da kuma hukumomin gwamnati a kasar Somaliya sun ce, an hallaka mayakan kungiyar Al-Shabaab kimanin 12 yayin wani artabu tsakanin dakarun gwamntin kasar da mayakan na Al-Shabaab a ranar Talatar nan a kusa da kauyen Garbaherey dake yankin Gedo a kudancin Somaliya.
Kwamandan rundunar sojan kasar dake yankin Gedo Abdullahi Osman ne ya tabbatar da hakan ga manena labaru, ya ce, dakarun gwamnatin sun kai wani kazamin hari ne a kauyen Tula Barwako.
Ya kara da cewar, sun kashe mayakan na Al-Shabaab kimanin 12, kuma sun samu nasarar kwace makamai daga hannun mayakan, sai dai a cewarsa, soja guda ya samu raunuka, kuma a yanzu haka sojojin ne ke rike da iko a kauyen.
Kwamandan ya ce, tuni mayakan suka tsere cikin daji bayan da fadan ya kazanta, kuma wasu mazauna yankin sun ce an shafe tsawon sa'o'i ana gwabza fadan. (Ahmad Fagam)
