150703-Firaministan-kasar-Sin-ya-gabatar-da-jawabi-a-yayin-bikin-rufe-taron-koli-na-masanaantu-da-cinikayya-na-Sin-da-Faransa-Sanusi.m4a

A jiya Alhamis ne, firaministan kasar Sin Li Keqiang da takwaransa na aiki na kasar Faransa Mr. Manuel Valls suka halarci bikin rufe taron koli na masana'antu da cinikayya na Sin da Faransa da aka yi a birnin Toulouse, kuma suka gabatar da jawabai bi da bi. Sannan a yayin bikin, firaministocin 2 sun shaida yadda aka sa hannu kan yarjejeniyoyin hadin gwiwa 22 da suka shafi fannonin makamashi da kare muhalli da sha'anin kudi da dai sauransu. Bayan taron, mahalarta sun bayyana ra'ayoyinsu kan jawaban da firaministocin biyu suka gabatar a yayin bikin.

A yayin bikin rufe taron, Li Keqiang ya bayyana cewa, ba ma kawai hadin gwiwar dake tsakanin kasashen Sin da Faransa za ta amfana wa kasashen biyu ba, har ma za ta kasance mai fa'ida ga duniya baki daya. Li Keqiang ya ce, "Yanzu haka muna hadin gwiwa a fannonin masana'antu da makamashi, da taya kasuwanni ta bangare uku da kuma ingiza yin hadin gwiwa a fannonin masana'antu da makamashi tsakanin kasa da kasa, sannan mun yi hadin gwiwa a fannin yin amfani da makamashin nukiliya da zirga-zirgar jiragen sama da kumbon 'yan sama jannati da dai makamatansu. Irin wadannan hadin gwiwa sun bayyana cewa, hadin gwiwar da ke tsakanin Sin da Faransa tana da muhimmanci kwarai."

A cikin jawabinsa na karshe, Mr. Li Keqiang ya siffanta dangantakar da ke tsakanin Sin da Faransa tamkar wani jirgin sama.

1 2