Rahotanni daga N'djamena babban birnin kasar Chadi ya tabbatar da cewa 'yan ta'adda guda 6 dauke da ababen fashewa suka tada kansu har lahira da wassu 'yan sanda 5, tare da jikkata wadansu mutane guda 3 a wani aikin kakkabe 'yan kungiyar da 'yan sanda suka fara aiwatarwa a ranar litinin din nan.

Kamar yadda ministan harkokin cikin gida Abderahim Bireme ya tabbatar yayi bayanin cewa 'yan sandan sun yi nasarar tare wani harin da 'yan kungiyar suka yi niyyar aiwatarwa bayan binciken gida gida da daya daga cikin mai ba kungiyar bayanai dake hannu ya nuna masu a unguwar Dinguessou a cikin birnin.