Likitoci 42 da Sin ta tura zuwa kasar Liberia, domin ba da taimako ga 'yan kasar sun sauka a nan birnin Beijing cikin koshin lafiya.

Rahotanni sun bayyana cewa jami'an lafiyar sun iso gida ne da sanyin safiyar Lahadin nan, bayan kammala aikin shawo kan cututtuka, da ba da jiyya na tsawon watanni biyu.

An labarta cewa, wannan ne rukuni na uku da Sin ta tura zuwa kasar Liberia. Kuma jami'an rukunin sun yi kokarin matuka, wajen gudanar da aikin jiyya, da kyautata kwarewar likitocin kasar, da taimakawa gwamnatin Liberia wajen kyautata yanayin rayuwa, da na kiwon lafiya, sun kuma ba da taimakon jin kai yadda ya kamata.(Fatima)