A yau ne shugaban kasar Sin Xi Jinping ya zayyana wasu muhimman fannoni guda shida da kasar ta Sin za ta bunkasa sabuwar dangantaka da kasar Amurka.

Shugaban ya bayyana hakan ne yayin ganawar su da takwaransa na Amurka Barack Obama wanda ya kawo ziyarar aiki kasar ta Sin tare da halartar taron shugabannin kungiyar APEC na wannan shekara.

A cewar shugaba Xi, wadannan fannonin sun hada da tattaunawa tsakanin manyan jami'an kasashen biyu,mutunta juna,yin hadin gwiwa a dukkan fannoni,daidaita matsaloli,hadin gwiwa a yankin Asiya da Fasific da daukar matakan hadin gwiwa a kalubalen da duniya ke fuskanta.(Ibrahim)