Kamar yadda aka saba gudanar da wannan biki, a bana ma ya wuce batun nuna kere-keren fasaha da al'ummun jihohin Najeriya daban-daban suka gabata, domin kuwa bikin ya kunshi baje kolin fasahar hajoji daga 'yan kasuwar sauran kasashen Afirka, kamar su Janhuriyar Nijar, da Kamaru, da Ghana, da Benin, da Togo, da Senegal da kuma Afirka ta Kudu. Baya ga wasu al'umma daga nahiyar Asiya, ciki har da na kasar Sin, da Koriya ta Kudu, da Pakistan da dai sauransu.