A ranar 22 ga wata, kakakin hedkwatar kwamandan sojojin Faransa Pascal Georgin ya bayyana cewa, a wannan rana, sojojin Faransa sun yi musayar wuta da wasu dakaru dauke da makamai a Bangui, babban birnin Afrika ta tsakiya, ba tare da fayyace yawan mutanen da suka rasu ko suka jikkata ba.

Sojojin Faransa sun yi musayar wuta da wasu dakarun a birnin Bangui har sau biyu, musayar wuta ta farko tare da wasu mayakan tsofuwar kungiyar 'yan tawayen Seleka guda 6, sannan musanyar wuta ta biyu an yi tsakanin sojojin Faransa da wasu 'yan sari-ka-noke.

Georgin ya kuma bayyana cewa, a wannan rana, an yi zanga-zanga har sau biyu a birnin Bangui da kowace ta tara mutane kimanin 1000, yawacin masu zanga zangar sun yi ihu na nuna adawa ga sojojin kasar Faransa da suke zargi da rashin adalci cikin aikinsu na kawo zaman lafiya da kuma harbe wasu dakarun Seleka da suka yi har lahira a wannan rana. (Bako)