Shugaba Barack Obama na Amurka, da takwaransa na Faransa Francois Hollande, na ci gaba da daukar matakan ganin kasar Iran ta ba da tabbaci ga shirin dakatar da duk wani yunkuri na kera makaman kare dangi.
A ranar Laraba ne dai fadar shugaban kasar Faransa, ta fidda wata sanarwa dake bayyana burin shuwagabannin biyu, bayan tattaunawar da suka gudanar ta wayar tarho.
Sanarwar ta kuma rawaito shuwagabannin biyu na dorawa Iran din alhakin samun nasarar da ake fata, muddin dai mahukuntanta, suka amince da kiraye-kirayen da ake musu kan wannan batu. (Saminu)
