Cibiyar kandagarki da dakile yaduwar cututtuka ta nahiyar Afrika, ta ce yawan wadanda aka tabbatar sun kamu da cutar COVID-19 a nahiyar ya kai 1,707,741.

Wata sanarwa da cibiyar ta fitar, ta ce yawan wadanda cutar ta yi ajalinsu, ya kai 41,145, zuwa jiya Lahadi.

Ta ce kasashen da aka fi samun yawan masu cutar a nahiyar sun hada da Afrika ta kudu, da Masar, da Morocco, da Habasha, da Nijeriya.

Har ila yau, ta ce cutar ta fi kamari a yankin kudancin nahiyar, bisa la'akari da adadin wadanda aka tabbatar sun kamu da na wadanda cutar ta yi ajalinsu. (Fa'iza Mustapha)