Jimilar dalibai da malamai 181 na wata makarantar sakandare mai zaman kanta dake jihar Lagos ta Nijeriya ne aka bayyana sun kamu da cutar COVID-19.

Kwamshinan lafiya na jihar, Akin Abayomi, ya ce an gano lamarin ne biyo bayan bibiyar da bincike a makarantar dake yankin Lekki na birnin Lagos.

Sai dai, kwamishinan ya ce daliban da malaman ba su nuna alamomin cutar ba.

Tun cikin watan Maris aka rufe makarantu a Nijeriya saboda barkewar annobar. sai dai a makonnin da suka gabata, hukumomi sun ba da umarnin sake bude su domin daliban dake ajujuwan karshe dake shirin rubuta jararrabawa. (Fa'iza Mustapha)