Kamfanin kirar jiragen sama mallakar kasar Sin, ya bayyana nasarar da ya cimma, ta gwajin jirgin sama dake iya tafiya a ruwa irin sa na farko da kamfanin ya kera.

Jirgin mai lamba AG600, ya kammala gwaji a sama, ya kuma shiga zangon farko na gwajin aiki a kan ruwa. Kamfanin ya ce AG600, ya kammala gwanin tashi ne daga birnin Zhuhai na lardin Guangdong dake kudancin kasar ta Sin, inda ya isa filin jiragen sama na Jingmen, dake lardin Hubei a tsakiyar kasar.

Tuni dai jirgin ya kammala gwaje gwaje daban daban, tun fara auna ingancin aikin sa a watan Disambar bara. Yanzu kuma ana fatan ci gaba da gwada ingancin sa a ruwa a birnin Jingmen.