A yau Alhamis kasar Sin ta bayyana aniyarta na mika kokenta a gaban hukumar ciniki ta duniya (WTO), dangane da matakin Amurka na sanya kudin haraji kan kayayyakin kasar Sin da darajarsu ta kai dala biliyan 16 karkashin doka mai lamba 301, kamar yadda ma'aikatar ciniki ta kasar Sin (MOC) ta tabbatar da hakan.

A wata sanarwar da kakakin na MOC ya sanar ta shafin intanet, yace, sakamakon shigar da korafin da tayi gaban hukumar sasanto dake karkashin kungiyar WTO, kasar Sin tana fatan kiyaye matsayin ciniki cikin 'yanci da kuma matsayin tsarin cinikayya na gamayyar kasa da kasa domin kare hakkokinta da moriyarta.

"Kasar Sin ta yi Allah wadai da wannan mataki, kuma zata dauki matakan da suka dace na mayar da martani, a cewar sanarwar.(Ahmad Fagam)