in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Shirin gwamnatin Sin na raya kauyuka da inganta rayuwar manoma
2018-02-22 15:42:40 cri

A kwanakin baya ne, mahukuntan kasar Sin suka fitar da wata takardar gwamnati game da yadda za a raya kauyuka, da inganta rayuwar manoma dake kauyuka da ma aikin gonan kansa nan da shekarar 2020. Wannan takarda ita ce ta 15 da kasar Sin ta fitar tun da aka shiga sabon karni, kuma ta kunshi babban shirin kasar Sin na farfado da kauyuka a cikin sabon zamani.

Ofishin kwamitin koli na jam'iyyar kwaminis ta kasar Sin, da ofishin majalisar gudanarwar kasar Sin ne suka fitar da wannan takarda, inda suka bayyana cewa, za su kara mai da hankali kan aikin kyautata yanayin rayuwar manoma dake kauyukan kasar. A 'yan shekarun da suka gabata, duk da cewa an samu wasu sakamakon a wannan fanni, amma har yanzu akwai rashin daidaito yayin da ake kokarin kyautata yanayin kauyuka.

Takardar ta kuma bayyana cewa, idan ana son cimma wannan burin, akwai bukatar a kara mai da hankali kan fannoni uku, abubuwan shara da zai dace da yanayin da kauyukan ke ciki, da ruwa maras tsabta, da tsarin gine-gine.

Kasar Sin tana da fadi, kuma akwai bambanci tsakanin yankuna daban daban, a don haka ya kamata a bullo da shirye-shiryen da za su dace da wurare daban daban da kuma halin da suke ciki. An yi hasashe cewa, nan da shekarar 2020, yanayin wasu kauyuka dake yankunan kasar Sin, misali, yankunan dake gabashi da tsakiya da kuma yammacin kasar za su inganta.

Masu sharhi na cewa, akwai bukatar a kara samar da kudaden gudanar da wannan aiki, musamman ma a kauyukan dake tsakiya da yammacin kasar ta Sin. A karshe takardar ta bayyana cewa, za a karfafawa kamfanonin kasar Sin gwiwa shiga a dama da su a wannan aikin, ta yadda za su taka rawa tare da gwamnati don cimma wannan buri. (Ahmed, Saminu, Ibrahim/ Sanusi Chen)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China