Shirin Sakatare Janar na MDD mai taken hada kai domin kawo karshen cin zarafin mata da hukumar kula da harkokin mata ta MDD ke kula da shi, ya ayyana ko wacce ranar 25 na ko wanne wata a matsayin ranar wayar da kai da kare cin zarafi da musgunawa mata da 'yan mata, wanda aka yi wa lakabi da ranar Orange wato 'Orange Day'.

Ranar 'Orange Day' na karfafawa mutane a fadin duniya sanya tufafi ko kayan ado mai launin Orange wato Launin Lemu. Launin lemun na alamta haske da kyakkyawar makoma da babu cin zarafin mata.(Kande)