A gun taron manema labarun da aka yi a wannan rana, kakakin ma'aikatar tsaron Amurka Jeff Davis ya bayyana cewa, a daren ranar 11 ga wata, da safiyar ranar 12 ga wata, agogon kasar ta Somaliya, sojojin Amurka sun jefa boma-bomai kan sansanin horo na kungiyar Al-Shabaab da ke yankin kudancin kasar Somaliya. Bisa kwarya-kwaryar tantancewa da aka yi, an hallaka dakaru dauke da makamai 12.
Davis ya ce, dalilin da ya sa aka kai harin sama kan sansanin shi ne, bisa bayanan leken asiri da kasar ta samu, dakarun dauke da makamai na sansanin na kawo kalubale ga sojojin Amurka.
Kungiyar Al-Shabaab na da alaka sosai da kungiyar Al-Qaeda, a cikin 'yan shekarun nan, sun kai hare-hare sau da dama a kasar Somaliya da sauran kasashen da ke makwabtaka da ita.(Bako)
