Wani rukunin sojojin Nijar 850 ya tashi zuwa arewacin kasar Mali, dake cikin tawagar wanzar da zaman lafiya ta MDD dake kasar Mali (MINUSMA), a cewar wata majiyar tsaro a ranar Laraba.

Tuni dai wani rukunin farko dake kunshe da daruruwan sojojin Nijar ya bar birnin Niamey tun a ranar Lahadin da ta gabata, kuma raguwar rukunin sojojin zai tashi a ranar Jumma'a mai zuwa, a cewar wannan majiya. (Maman Ada)