Mr. Zhang Dejiang, shugaban majalisar NPC ne ya shugabanci bikin rufe wannan taron.
A yayin taron, wakilan jama'a sun tattauna tare kuma da zartas da jerin takardu, ciki har da rahoton aiki na gwamnati, da rahoton bunkasa tattalin arziki da zaman rayuwar al'ummar Sin da shirin kebe kasafin kudi.
Sannan kuma sun amince da rahotannin da kotun kolin kasar Sin da hukumar koli ta bincike ta kasar suka gabatar game da ayyukan da suka yi a shekarar 2014. (Sanusi Chen)
