A yau Alhamis 6 ga wata, shugaban zaunannen kwamitin majalisar wakilan jama'ar kasar Sin Zhang Dejiang ya gana da shugaban majalisar wakilan kasar Habasha, Abadula Gemeda, a babban dakin taron jama'a.

A lokacin ganawar, Mr. Zhang ya ce, Sin za ta ci gaba da zurfafa hakikanin hadin gwiwa a tsakaninta da Habasha a duk fannoni, da bunkasa dangantakar abokantaka tsakanin kasashen biyu.

A nasa bangare, mista Abadula ya bayyana cewa, Sin ta taimaka wa Habasha a fannoni daban daban, don haka Habasha na fatan za a kara bunkasa dangantaka tsakanin kasashen biyu, tare da samun fasahohi daga kasar Sin a fannonin kafa dokoki, gudanar da harkokin kasa da dai sauransu.(Fatima)