Yau Laraba 25 ga wata ne, firaministan kasar Sin Li Keqiang ya kira taron zaunannen kwamitin majalisar gudanarwa ta Sin a nan birnin Beijing, inda ya yi bayani kan ayyukan girbi da adana amfanin gona da kafa dakunan adana abinci, tare da yin nazari da yanke shawarar kyautata farashin amfanin gona da tsarin kyautata kasuwanni.

A gun taron, an bayyana cewa, a cikin 'yan shekarun da suka wuce, yawan hatsi da ake samu ya rika karuwa, ya zama dole a noma hatsi da yawa a lokacin zafi na bana. Ko da ya ke babu isasshen wurin ajiye su a wasu wurare. A sabili da haka, adana amfanin gona yadda ya kamata na da muhimmanci kwarai a yanzu, har ma a cikin dogon lokaci mai zuwa. Dole ne a dauki matakai iri iri, domin kara karfin adana hatsi da kafa dakunan adana abinci, a kokarin tabbatar da cewa, ba a rasa abinci kwata-kwata ba.(Fatima)