Mun zakulo daya daga cikin fitattun marubutan littafan Hausa na zamani, kuma malaman makaranta, mace dake gwagwarmayan a cikin kungiyoyin tallafa ma yara marayu a garin Kaduna, tarayyan Nigeriya.

Hajiya Aisha Babaye Dahiru wadda ta karbi goron gayyatar wannan filin namu na in baku ba gida Uwa ce ma bada mama ga marayu da kuma dalibanta, ta yi mana bayani tun daga lokacin data fara rubuce rubuce a matsayin wani abin sha'awa, sannan kuma hakan bai hana ta cigaba da neman ilimi ba, kamar yadda tace a neman ilimi ba'a tsufa.