Za a bude tashar Intanet ta watsa labaru kan babban taro karo na 18 na wakilan Jam'iyyar Kwaminis ta kasar Sin wato www. cpcnews.cn a gobe 1 ga watan Nuwamba.

An ba da labarin cewa, wannan tashar Intanet za ta bayar da ajandar taron, labaru kan yadda ake gudanar da taron kana da sanarwoyi game da taron. Haka kuma tashar za ta samar wa manema labarai da masu duba shafin Intanet na gida da waje bayanai game da wannan baban taro cikin harshen Sinanci da Turanci. Bugu da kari, za a iya samun labaru kan tarihin tarurukan wakilan JKS, gami da ilmi kan jam'iyyar ta wannan shafin Intanet.(Kande Gao)