A ran 17 ga wata, kakakin sojojin gwamnatin kasar Libya Ahmed Omar Bani ya bayyana cewa, a kwana baya, sojojin gwamnatin sun mamaye yammacin yankuna na manyan birane 2 da masu nuna goyon baya ga Muammar Gaddafi suka mallaka, yanzu, suna kokarin kame sauran sojojin Muammar Gaddafi.

A wannan rana, a birnin Tripoli, Ahmed Omar Bani ya bayyana cewa, yawan yankunan birnin Bani Walid da sojojin gwamnatin kasar suka kamne ya kai kashi 90 cikin kashi 100, za su iya mamaye birnin cikin sauri.

Game da halin da ake ciki a birnin Sirte, Ahmed Omar Bani ya bayyana cewa, yanzu, masu nuna goyon baya ga Muammar Gaddafi suna jibge a cibiyar birnin, a ganin sojojin gwamnatin kasar, mai yiyuwa ne wasu jami'ai mutane na gwamnatin Muammar Gaddafi suna zaune a wannan wuri.

A wannan rana, ministan tsaro na kasar Amurka Leon Panetta ya bayyana cewa, yanzu, magoya bayan Muammar Gaddafi suna yin yaki a birnin Sirte, don haka, sojojin kasashen Turai ba za su daina harin da suke kai wa kasar Libya ba.