2020-05-23 16:13:31        cri

Rundunar sojin Pakistan ta ce masu aikin ceto sun gano gawarwaki 97 daga baraguzan jirgin kasar na kamfanin Pakistan International Airlines, wanda ya fadi a wata unguwar jama'a a birnin Karachi dake kudancin kasar.

Wata sanarwa da sashen hulda da jama'a na rundunar sojin ya fitar, ta ce masu aikin ceto daga rundunar da kungiyoyin al'umma, sun kai gawarwakin asibitoci, inda kuma suka gano mutane biyu da suka tsira da ransu. (Fa'iza Mustapha)